SHBA planifikon të vendos një taksë prej 25% për produktet që hyjnë në vend nga Koreja e Jugut dhe Japonia duke filluar nga 1 gushti, njoftoi presidenti Donald Trump.
Trump njoftoi tarifat në rrjete sociale duke ndarë letra që ai tha se u ishin dërguar udhëheqësve të të dy vendeve.
Shtëpia e Bardhë ka thënë se pret të dërgojë mesazhe të ngjashme në shumë vende në ditët në vijim, pasi pauza 90-ditore që vendosi në disa nga tarifat e saj më agresive do të skadojë, shkruan BBC.
Bëhet e ditur se dy letrat e para sugjerojnë se Trump mbetet i përkushtuar ndaj shtytjes së tij fillestare për tarifat, me pak ndryshime nga normat e shpallura në prill.
Në atë kohë, ai tha se po kërkonte të vendoste tarifa prej 24% për mallrat nga Japonia dhe një tarifë prej 25% për produktet e prodhuara në Korenë e Jugut.
Këto tarifa u përfshinë në një njoftim më të madh për “Ditën e Çlirimit”, i cili vendosi tarifa për mallrat nga vende të ndryshme të botës.
Pas protestave dhe trazirave në tregjet financiare pas njoftimit fillestar të tarifave, Trump pezulloi disa nga taksat e importit për të lejuar bisedimet.
Ky afat skadon më 9 korrik.
Burimi: botasot.info
