E respektoj shumë faktin që të gjitha varjet e planifikuara, të cilat do të zhvilloheshin dje (mbi 800 prej tyre), janë anuluar nga udhëheqja e Iranit, shkruajti sot në Trthu Social presidenti amerikan, Donald Trump.
”Faleminderit!”, shton kreu i Shtëpisë së Bardhë në Truth Social.
Zëdhënësja e Shtëpisë së Bardhë konfirmoi dje se Irani kishte anuluar 800 ekzekutime të planifikuara të protestuesve dhe deklaroi se ”të gjitha opsionet” mbeteshin në tryezë për Shtetet e Bashkuara.
Karoline Leavitt shtoi se Donald Trump e kishte paralajmëruar Teheranin për ”pasoja serioze” nëse vazhdonte shtypja e protestave.
Ajo konfirmoi gjithashtu se presidenti amerikan kishte folur me kryeministrin izraelit Benjamin Netanyahu, i cili, sipas ”New York Times”, i kërkoi atij të mos ndërhynte ushtarakisht në Iran.
Po dje, presidenti amerikan, Donald Trump pohoi sot se ”vrasjet kanë mbaruar në Iran”.
Ai theksoi se autoritetet ”nuk kishin plane” për të ekzekutuar protestuesit, vërejtje që duket se e shtyjnë mundësinë e një ndërhyrjeje ushtarake amerikane.
”Nuk janë planifikuar ekzekutime”, shtoi ai dhe duke siguruar se kishte informacionin e tij ”nga një burim i mirinformuar”.
Burimi: botasot.info
