“Trendi i 2016-tës” – Dafina Zeqiri rishpërndan një fotografi ku shfaqet e përqafuar me Dua Lipën

Dafina Zeqiri ka rishpërndarë së fundmi një postim në të cilin shfaqej ajo së bashku me Dua Lipën, në një fotografi të realizuar në vitin 2016.

Fotoja ishte publikuar fillimisht nga një fan-page i Dua Lipës në InstaStory, si pjesë e një trendi të ri që po qarkullon në rrjetet sociale.

“Meqënëse të gjithë po flasin për vitin 2016, këtu është një foto e Dua Lipës dhe e Dafina Zeqirit”, kanë shkruar faqja në postim.

Të njëjtin postim e ka shpërndarë edhe Dafina Zeqiri në profilin e saj zyrtar në Instagram, duke e rikthyer vëmendjen te ky moment i veçantë nga e kaluara.

Fotoja i tregonte dy artistet e njohura duke pozuar të përqafuara me njëra-tjetrën.

Ndërkohë, në rrjetet sociale është shfaqur një trend i ri që rikujton vitin 2016, një periudhë që konsiderohet tejet interesante dhe e mbushur me trende të shumta të asaj kohe.

Për shumë njerëz, ai vit ka qenë kulmor, ndërsa së fundmi disa po spekulojnë se viti 2026 mund të sjellë të njëjtën frymë si viti 2016.