Një dron i quajtur “Skifteri K1”, me rreze veprimi deri në një mijë kilometra, ka përfunduar me sukses fazën e testimit dhe tashmë është gati për përdorim.
Kështu bëri të ditur Ridvan Aliu, i njohur si prodhues i dronëve nga Kosova.
Ai ka publikuar në Facebook një video dhe disa foto të demonstrimit dhe po pretendon se ka goditur pikën e synuar gjatë testimit.
Aliu ka prezantuar njëkohësisht edhe disa nga specifikat teknike të këtij droni.
Aliu ka dhënë disa sqarime se, sipas të dhënave të publikuara, “Skifteri K1” ka kohë fluturimi prej 7 orë e 12 minutash, rreze veprimi mbi 1 mijë kilometra dhe kapacitet bartës deri në 42 kilogramë.
“Kosova gati të godas nga ajri 1000+ km larg. Testohet SKIFTERI K1 nga njeri prej klientve tane me saktësi maksimale: Futurim: 7h 12 mins, Distancë: 1124 km dhe Payload: 42 kg (armed)”, ka shkruar Aliu.
Aliu pretendon po ashtu se testimi është zhvilluar me sukses, pa dhënë më shumë detaje.
Burimi: botasot.info
