Tërmet me magnitudë 5.5 ballë në Bangladesh, raportohet për të paktën 3 viktima

Tërmeti ndodhi në orën 10:38 të mëngjesit pranë qytetit Narsingdi, rreth 30 kilometra në verilindje të kryeqytetit Daka, tha Shërbimi Gjeologjik i SHBA-së, duke shtuar se “numri i të vdekurve mund të jetë i konsiderueshëm”.

Shërbimet meteorologjike të Bangladeshit raportuan një tërmet me magnitudë 5.7 ballë, epiqendra e të cilit ndodhej në qytetin Mabhambdi, në distriktin Narsingdi, duke shtuar se dridhja u ndje për 26 sekonda.

“Nuk jemi informuar për ndonjë viktimë në këtë fazë”, tha për AFP Moinul Hossain, një zyrtar në drejtorinë kombëtare të shërbimeve shëndetësore.

Tërmeti ndodhi ndërsa shumica e njerëzve ishin në shtëpi të premten, një festë javore në vendin kryesisht mysliman me 170 milionë banorë.

Bangladeshi është i prirur ndaj tërmeteve, por tërmeti i fundit i madh në vend ishte në vitin 1896.

Top Channel