Policia e stacionit të Bit Pazarit ka arritur të kapë dy persona të rinj, një 23-vjeçar dhe një 19-vjeçar, të cilët në orët e para të mëngjesit tentuan të kryejnë vjedhje në lagjen “Xhon Kenedi” në Shkup.
Pas sinjalizimit të një qytetari, policia ka ndërhyrë menjëherë në vendngjarje. Dyshuarit kanë tentuar të ikin, por efektivët e policisë, për t’i ndaluar, kanë shtënë me armë në ajër. Menjëherë pas kësaj, të rinjtë janë kapur dhe legjitimuar.
Ata tashmë ndodhen në stacionin policor të Bit Pazarit, ku po zhvillohen procedurat e mëtejshme hetimore.
Burimi: fol.mk
