Kërkesat për punë dhe qëndrim nga shtetas të huaj që duan të jetojnë dhe punojnë në qytetin e Vlorës janë shtuar ndjeshëm.
Në krahasim me të njëjtën periudhë të vitit të kaluar, janë rritur dukshëm aplikimet për leje qëndrimi. Në muajin e parë të vitit 2025 janë regjistruar 187 aplikime për leje qëndrimi, nga të cilat janë miratuar 146.
Ndërsa në janar të vitit 2026, numri i aplikimeve ka arritur në 335, me 292 të pranuar. Shifrat tregojnë qartë një rritje të interesit të shtetasve të huaj për të jetuar dhe punuar në Vlorë.
Statistikat nga Zyra e Punës në Vlorë bëjnë me dije se aplikantët vijnë kryesisht nga Italia, Ukraina, India, Mianmari, por edhe vende të tjera.
“Kërkesat nga shtetasit e huaj janë shtuar. Ata janë të interesuar të marrin një profesion për t’u punësuar në sektorë të ndryshëm në qytetin e Vlorës. Shtetasit që kërkojnë certifikim profesional janë kryesisht nga Italia, Ukraina, India, por edhe nga Kosova. Interesi i tyre përqendrohet në kurse si guzhinë, hidraulikë, elektricist, servis makinash dhe saldimi”, tha drejtor i Qendrës së Formimit Profesional, Vlorë, Ergys Allushi.
Shumë të huaj të tjerë punojnë prej vitesh në Vlorë, Këto vajza nga Minamari që punojnë në sektorin e shërbimit, deklarojnë se edhe bashkëkombës të tjerë të tyre punojnë në Shqipëri dhe paguhen mirë.
Burimi: botasot.info
