Taylor Swift e Travis Kelce mbajnë duart gjatë një takimi në mbrëmje

Midis daljeve të tyre të fundit dhe përpara sezonit të ardhshëm të NFL, Taylor Swift dhe Travis Kelce u panë së bashku në një takim në Nju Jork.

Këngëtarja dhe lojtari i Kansas City Chiefs, të dy 35-vjeç, u kapën për dore ndërsa dolën për një takim në Big Apple të shtunën, raporton revista People.

Për daljen, Swift veshi një fustan rozë, me rripa metalikë me zinxhirë të artë dhe gjashtë kopsa të arta. Ajo e zbukuroi pamjen e saj me një çantë ngjyrë bezhë dhe këpucë ngjyrë bezhë. Ndërkohë, Kelce mbante veshur një këmishë të bardhë me mëngë të shkurtra dhe pantallona, të cilat i kombinoi me këpucë të zeza.

Swift dhe Kelce më 20 qershor u panë duke dalë nga një restorant në Manhattan. Në pamjet e fansave të shpërndara në internet, Kelce mund të shihej duke i shtrënguar dorën një punonjësi të restorantit para se të dilte nga ndërtesa, ndërsa Swift e ndiqte nga afër. Çifti më pas ndaloi për një moment të shkurtër për të kapur duart e njëri-tjetrit, përpara se të hipnin në veturë.

Pamjet e tjera të fansave treguan se truproja e Swift e lejoi Kelce të bënte një gjest romantik më herët gjatë natës së çiftit – duke hapur derën e makinës së saj, një punë që zakonisht rezervohet për ekipin e sigurisë së Swift.

Çifti, i cili filloi të dilte në vitin 2023, bëri atë që fansat e quajtën “debutimi i tyre në tapetin e kuq” në eventin e Kelce. Ai themeloi kampin vjetor të stërvitjes tre-ditore verore në vitin 2021 me George Kittle dhe komentuesin sportiv Greg Olsen.

Pas verës, një burim tha për revistën People, se Swift “mezi pret” të mbështesë Kelce gjatë sezonit të ardhshëm të NFL. “Jo vetëm sepse i pëlqen të mbështesë Travisin, por sepse për sezonin e parë të plotë që kur filluan të dilnin bashkë, ajo nuk po përballet me një orar të ngjeshur turneu”, tha burimi.

Swift përfundoi shfaqjen e fundit të turneut të saj Eras në Vancouver, British Columbia, në dhjetor 2024. Shfaqja u shtri në pesë kontinente dhe fitoi mbi dy miliardë dollarë në shitjet e biletave, duke e bërë atë turneun me fitimet më të larta në histori, transmeton KosovaPress