Ministër i Financave dhe Ekonomisë, Petrit Malaj njofton se ka përfunduar faza e parë terren, në kuadër të përpjekjes së vazhdueshme të forcimit të ligjshmërisë fiskale në sektorin e produkteve bujqësore dhe blegtorale.
Përmes një postimi në rrjetet sociale, ai bën me dije se administrata tatimore do të nisë fazën e dytë, ndërsa shton se qëllimi është formalizimi i tregut, rritje e sigurisë ushqimore dhe mbrojtja e konsumatorit.
“Tashmë ka përfunduar faza e parë në terren, në kuadër të përpjekjes së vazhdueshme të forcimit të ligjshmërisë fiskale në sektorin e produkteve bujqësore dhe blegtorale.
Administrata Tatimore do të nisë fazën e dytë të monitorimit, që synon verifikimin në vazhdimësi shoqërimin e produkteve me faturë tatimore.
Qëllimi është formalizim i tregut, rritje e sigurisë ushqimore dhe mbrojtje e konsumatorit!
Zero Tolerancë ndaj subjekteve, pjesë e zinxhirit të tregut të produkteve bujqësore dhe blegtorale, që nuk respektojnë ligjin”, shprehet ministri Malaj.
Burimi: botasot.info
