Presidentja Vjosa Osmani është takuar me të ngarkuarën me punë të ambasadës amerikane në Kosovë, Anu Prattipati. Takimi vjen në kohën e zhvillimeve të shumta lidhur me çështjen e zgjedhjes së Presidentit të ri.
Afati i nisjes së procedurës për zgjedhjen e Presidentit përfundon sonte dhe Kosova rrezikon zgjedhje të reja pas një kohë të gjatë të bllokadave që përjetoi vendi.
Presidentja Osmani kishte shfaqur ambiciet e saj për të vazhduar edhe një mandat në krye të vendit, por Lëvizja Vetëvendosje, me të cilën iu fut garës bashkë në mandatin e parë, tashmë për kandidat të saj ka propozuar kryediplomatin Glauk Konjufca.
Pritet konferencë për media e presidentes Osmanit sot pasdite, por deri më tani nuk është konfirmuar zyrtarisht nga presidenca koha e mbajtjes së saj.
Burimi: botasot.info
