Presidentja e Komisionit Evropian, Ursula von der Leyen, deklaroi sot në një postim në platformën X se gjatë takimit me një delegacion të Kongresit Amerikan në Davos të Zvicrës, në kuadër të Forumit Ekonomik Botëror, theksoi nevojën për “respekt të padiskutueshëm për sovranitetin e Groenlandës dhe Mbretërisë së Danimarkës”.
Ajo nënvizoi se kjo çështje ka një rëndësi të veçantë për marrëdhëniet transatlantike.
Von der Leyen siguroi gjithashtu se Bashkimi Evropian dëshiron të vazhdojë bashkëpunimin e ngushtë me Shtetet e Bashkuara, NATO-n dhe aleatët e tjerë, në koordinim të plotë me Danimarkën, për të promovuar interesat e përbashkëta të sigurisë.
Në takim u diskutua edhe për tregtinë dhe investimet transatlantike, ku presidentja e Komisionit Evropian theksoi se vendosja e tarifave nuk është në interesin e përbashkët të palëve.
Po ashtu, von der Leyen bëri të ditur se palët shkëmbyen pikëpamje edhe mbi përpjekjet për “arritjen e një paqeje të drejtë dhe të qëndrueshme në Ukrainë”.
In Davos, I met with a bipartisan delegation from the United States Congress.
We discussed our shared efforts to achieve a just and lasting peace in Ukraine.
This process benefits from strong EU–US coordination, from security guarantees to a pathway to prosperity.
I also… pic.twitter.com/X5IlrcnLy6
— Ursula von der Leyen (@vonderleyen) January 19, 2026
Top Channel
Burimi: top channel
