Donald Trump nis takimin me udhëheqësit evropianë!
Ora 21:07
Trump thotë se samiti i së premtes në Alaskë me Putinin përforcoi bindjen e tij se paqja është “e arritshme”.
Në një “hap të rëndësishëm”, Putini ra dakord që Rusia do të pranonte garanci sigurie për Ukrainën, thotë Trump.
Kjo është një nga “pikat kyçe” që udhëheqësit do të shqyrtojnë në takim. Ai thotë se ata do të shqyrtojnë “kush do të bëjë çfarë, në thelb”.
Trump thotë se është optimist se grupi mund të arrijë një marrëveshje që do të pengojë agresionin e ardhshëm kundër Ukrainës.
“Mendoj se kombet evropiane do të marrin përsipër një pjesë të madhe të barrës”, thotë ai. “Ne do t’i ndihmojmë ata.”
Në takim do të diskutohet gjithashtu edhe “shkëmbimi i mundshëm i territorit”, shton ai.
Ora 21:00
Trump shpreson të arrijë një takim trepalësh SHBA-Ukrainë-Rusi
Trump po përshëndet udhëheqësit evropianë në tryezën e Shtëpisë së Bardhë.
Ai thotë se ka folur drejtpërdrejt me Putinin sot dhe do të telefonojë përsëri pas takimit të sotëm.
Ora 20:57
Ky takim shumëpalësh sapo ka filluar midis Trump dhe udhëheqësve evropianë në Shtëpinë e Bardhë.
Ora 20:50
Më herët ata pozuan për një “foto familjare” me udhëheqësit evropianë.
Bashkë me të janë Zelensky, kryeministri i Mbretërisë së Bashkuar Keir Starmer, presidenti francez Emmanuel Macron, kryeministrja italiane Giorgia Meloni, presidenti finlandez Alexander Stubb dhe presidentja e Komisionit Evropian, Ursula von der Leyen.
Top Channel
Burimi: top channel
