Shkup, 9 korrik – Kryetari i Kuvendit, Afrim Gashi, sot realizoi takim me Karol Mezhevan, drejtoreshën e re të Bankës Botërore për Maqedoninë e Veriut dhe Kosovën. Në takim, Kryetari Gashi shprehu mirënjohje dhe kënaqësi për vizitën e drejtoreshës Mezhevan dhe e uroi për zgjedhjen e saj në detyrën e re. Njëkohësisht, theksoi se mund ta shohë Kuvendin si partner në arritjen e qëllimeve të përbashkëta. Drejtoresha Mezhevan theksoi se punon drejtpërdrejt me pushtetin ekzekutiv, por Kuvendi i miraton ligjet dhe për këtë arsye komunikimi i drejtpërdrejtë është veçanërisht i rëndësishëm në të gjitha nivelet, veçanërisht në nivelin e analizës së ligjeve që lidhen me makroekonominë, financat dhe bashkëpunimin ndërsektorial në ekonomi.

Fokusi i takimit ishte në një sërë projektesh në të cilat Banka Botërore po punon në fushat e energjetikës, shëndetësisë, arsimit, politikës dhe ndihmës sociale, infrastrukturës dhe digjitalizimit.
Bashkëbiseduesit ishin unanimë për intensifikimin e bashkëpunimit rajonal në të ardhmen, përmes investimeve në infrastrukturë, si dhe përmirësimit të reformave dhe rregullativës ligjore.

Burimi: zhurnal.mk