“Ta vjedhin edhe dheun nën këmbë” – Hyseni shpërthen pas manipulimit me vota

Ish-ministri i LDK-së, Skënder Hyseni, ka reaguar ashpër pas raportimeve për manipulim me vota brenda partisë për kandidatët për deputet.

Në një postim publik, Hyseni shpreh shqetësim të thellë, duke thënë se kandidatë që vjedhin votat e njëri-tjetrit brenda së njëjtës parti nuk mund të pritet të sillen ndryshe as në institucione.

Ai e cilëson këtë veprim si paftyrësi pa fund dhe paralajmëron se, nëse bëhen deputetë, “ta vjedhin edhe dheun nën këmbë”, duke shtuar se kjo prapësi, sipas tij, ka nisur prej kohësh.

Postimi i Hysenit:

Çfarë mund të pritet nga kandidati për deputet që vjedh votat e kandidatit tjetër nga po e njejta parti?

Zot na ruaj!

Të njejtit, po u bënë deputetë, ta vjedhin edhe dheun nën këmbë!

Paftyrësia s’paska fund!

Si duket kjo prapësi paska filluar që moti, Turpi ju mbuloftë!