Sulmi i Hamasit, analiza nga CNN: Pse Izraeli nuk e përkujton zyrtarisht 7 Tetorin sot?

Izraeli i përkujton zakonisht datat historike sipas kalendarit hebraik, dhe për këtë arsye Dita Kombëtare e Përkujtimit për 7 Tetorin është caktuar më 24 Tishrei, e cila këtë vit përkon me 16 Tetor 2025. Në atë ditë do të mbahet ceremonia zyrtare në Malin Herzl, në Jerusalem, me praninë e zyrtarëve më të lartë të shtetit.

Një tjetër arsye është se 7 Tetori i këtij viti përkon me festën hebraike të Sukotit, ndaj shumë aktivitete përkujtimore janë mbajtur më herët ose janë shtyrë.

Megjithatë, sonte pritet që mijëra izraelitë të bashkohen në një koncert përkujtimor civil, i organizuar për të dytin vit radhazi nga KUMU (që në hebraisht do të thotë “ngrihu”) – një organizatë jofitimprurëse e formuar nga banorë të jugut të Izraelit dhe të mbijetuar të 7 Tetorit.

Koncerti do të përfshijë performanca artistike dhe do të transmetohet drejtpërdrejt në të gjitha rrjetet kryesore televizive. Në të do të ketë referenca të forta për pengjet izraelite që ende mbahen në Gaza, ndërsa disa nga pengjet e liruara dhe familjarë të pengjeve do të flasin nga skena.

“Po i mbajmë gishtat e kryqëzuar që këtë vit, krahas dhimbjes dhe kujtimit të të dashurve tanë, ceremonia të simbolizojë edhe fundin e luftës,” tha Yonatan Shimriz, një nga organizatorët dhe bashkëthemelues i KUMU-së.

Top Channel