Studimi: Të pasurit jetojnë 9 vite më shumë se të tjerët

Një studim i ri ndërkombëtar zbulon se gjendja financiare ka një ndikim të madh në jetëgjatësinë e njerëzve në të gjithë botën. Personat që nuk kanë kursime të mjaftueshme ose jetojnë me të ardhura të ulëta, mesatarisht jetojnë deri në 9 vite më pak se ata që konsiderohen të pasur.

Ekspertët e shëndetit publik theksojnë se hendeku ekonomik nuk ndikon vetëm në standardin e jetesës, por ka pasoja të drejtpërdrejta në shëndet dhe mirëqenie. Personat me burime të kufizuara shpesh përballen me stres kronik, ushqim jo të shëndetshëm, qasje të kufizuar në kujdes shëndetësor dhe kushte më të rrezikshme të jetesës, faktorë që ndikojnë drejtpërdrejt në jetëgjatësi.

“Është e papranueshme që varfëria po ua merr pothuajse një dekadë jetës njerëzve të moshuar në çdo vend të botës,” thotë Ramsey Alwin, ekspert i shëndetit dhe CEO i NCOA. “Ky është një apel për qeveritë dhe institucionet për të krijuar politika dhe sisteme që sigurojnë jetëgjatësi për të gjithë, jo vetëm për të pasurit.”

Studimi gjithashtu nxjerr në pah se hendeku ekonomik midis të pasurve dhe të varfërve po thellohet në shumë vende, duke rritur rrezikun për shëndetin afatgjatë të komuniteteve me të ardhura të ulëta. Rezultatet tregojnë qartë se siguria financiare është një faktor kryesor për jetën dhe shëndetin e çdo individi.

Ky studim përkujton se investimi në politikë sociale dhe mbështetje ekonomike mund të përmirësojë ndjeshëm jetëgjatësinë dhe cilësinë e jetës për të gjithë, duke zvogëluar pabarazitë globale.