SPB Shkup ka zbardhur rastin e rëndë të dhunës ndaj një vajze të mitur në Çair, i cili ka tronditur opinionin publik pasi pamjet e sulmit u publikuan në rrjetet sociale.
Sipas njoftimit zyrtar, më 20 qershor 2025, rreth orës 14:00, në rrugën “Pavle Iliq” në Shkup, tre vajza kanë sulmuar fizikisht një 11-vjeçare, ndërsa një tjetër e ka incizuar me telefon. Videoja është shpërndarë më pas në rrjetet sociale dhe në një portal.
Rasti është denoncuar më 1 shtator 2025 nga babai i vajzës së sulmuar, i cili ka thënë se për incidentin kishte mësuar vetëm nga interneti, pasi e bija nuk kishte guxuar t’i tregonte nga frika e një sulmi të ri.
Të miturat e përfshira dhe prindërit e tyre janë ftuar në polici, ndërsa pas dokumentimit, ndaj tyre do të ngrihen kallëzime për veprat penale “dhunë” dhe “incizim i paautorizuar”.
