Jemi mësuar ta shohim duke tmerruar mbrojtësit kundërshtarë në Rusi me Rubin Kazan apo duke shënuar për kuqezinjtë, por Mirlind Daku paska edhe talente të fshehura që nuk kanë lidhje me topin e futbollit.
Duket se jeta private po shkon “vaj” për çiftin e shumëpërfolur, Vesa Vllasaliu dhe Mirlind Daku, aq sa futbollisti nuk e ka problem të përveshë mëngët dhe të kapë furçën e bojës për hir të partneres.
Ish-banorja e Big Brother VIP Kosova ka ndarë pak më parë një moment epik në Instagram, ku shfaq partnerin e saj duke lyer muret e shtëpisë. Në foto, Daku shihet i veshur sportiv, i përqendruar maksimalisht te puna me rul në dorë, krah babait të Vesës.
Me humorin që e karakterizon, Vesa e ka shoqëruar foton me përshkrimin: “Biznes i ri u hap”, duke etiketuar babanë e saj dhe futbollistin, shoqëruar me emoji duke qeshur.
Ky postim vjen si një dëshmi e lezetshme se pavarësisht famës, kontratave milionere dhe golave në stadiumet e mbushura plot, kur vjen puna te shtëpia (dhe te vjehrri), Mirlindi është “ushtar” i bindur.
Çifti, të cilët së fundmi janë përfolur shumë për zyrtarizimin e romancës dhe madje edhe për pritje të ëmbël, duket se po shijojnë çdo moment të bashkëjetesës—përfshirë edhe ato më të lodhshmet e renovimeve. Mbetet për t’u parë nëse Daku është po aq i saktë me bojën sa ç’është para portës!.
Burimi: botasot.info
