Hëna e re e datës 19 dhjetor në shenjën e Shigjetarit vendos theksin te komunikimi dhe hap një cikël të ri për shumë prej nesh. Ajo sjell energjinë e fillimeve, të ideve të freskëta dhe të bisedave që mund të ndryshojnë drejtimin e gjërave.
Shigjetari është shenja e eksplorimit, dijes dhe zgjerimit të horizontit. Ai na fton të shohim përtej asaj që njohim, të kërkojmë kuptim më të thellë në jetën tonë dhe të rritemi përmes udhëtimeve, studimeve apo zhvillimit shpirtëror.
Nën këtë Hënë të re, ne nxitemi të hedhim hapa drejt së panjohurës, të rishikojmë marrëdhëniet tona me të tjerët dhe të reflektojmë mbi vendin që kemi në botë. Farat që mbillen tani do të fillojnë të japin frytet e tyre rreth Hënës së plotë në Shigjetar, në maj të vitit të ardhshëm.
Ja si pritet të ndikojë Hëna e re në Shigjetar te secila shenjë e horoskopit:
Dashi
Tani është momenti i duhur për të zgjeruar horizontet dhe për t’u shkëputur nga zona e rehatisë. Hëna e re në Shigjetar sjell energji të freskët, entuziazëm dhe dëshirë për ndryshim. Mund të të lindë ideja për një udhëtim të largët, për të nisur studime të reja, për t’u thelluar në çështje shpirtërore apo për t’u angazhuar në media dhe botime. Besoji instinktit, hapu ndaj së panjohurës dhe lejoje veten të fluturojë drejt mundësive të reja.
Demi
Dem, intimiteti do të jetë prioriteti yt kryesor. Ose do të afrohesh më shumë me partnerin/en, ose do të kuptosh se ka ardhur koha për ndarje. Diskuto me të për ndjenjat e tua dhe kërko për një ekuilibër më të mirë mes jush. Mund të ketë gjithashtu edhe përmirësime financiare.
Binjakët
Binjak, je në një udhëkryq. Marrëdhëniet janë në qendër të vëmendjes, qofshin personale apo profesionale. Mund të angazhohesh seriozisht në një plan afatgjatë, por nëse gjërat nuk funksionojnë, ka ardhur koha të thuash “mirupafshim” dhe të ecësh përpara.
Gaforrja
Gaforre, axhenda jote po mbushet. Qëndro i zënë dhe aktiv. Hëna e re rrit produktivitetin dhe të ndihmon të arrish një balancë mes punës dhe jetës personale. Mund të gjesh një punë të re ose më shumë klientë, gjithashtu në një moment mund të të duhet të mendosh seriozisht për shëndetin.
Luani
Luan, përgatitu për pasion, romancë dhe argëtim. Kjo është hëna më e rëndësishme e vitit për beqarët, ndoshta mund të gjesh shpirtin binjak. Çiftet do të rigjejnë shkëndijën, ndërsa ata që janë krijues mund të gjejnë frymëzimin e radhës.
Virgjëresha
Virgjëreshë, emocionet janë të forta. Fokusohu te familja, e kaluara dhe qëndrueshmëria. Një fillim i ri në shtëpi, zhvendosje, rinovim ose organizim aktivitetesh familjare është i mundshëm.
Peshorja
Peshore, je plot energji dhe ide të mëdha. Mund të angazhohesh në projekte që lidhen me shkrimin, të folurit, reklamat apo edhe rrjetet sociale. Udhëtime të shkurtra dhe takime me miq mund të jenë gjithashtu pjesë e planeve të tua.
Akrepi
Akrep, financat e tua do të dalin në pah. Mundësi për rritje page, ofertë pune ose klient fitimprurës janë pranë. Është moment i mirë për të riorganizuar buxhetin.
Shigjetari
Shigjetar, ky është momenti yt! Kjo është hëna e re më e rëndësishme e vitit për ty. Pasionet, dëshirat dhe synimet e tua dalin në plan të parë. Dyert hapen, ndaj vepro me vendosmëri drejt asaj që dëshiron të ndërtosh.
Bricjapi
Bricjap, mund të jetë e vështrë, por lejoje veten të pushosh. Do ndiesh nevojën për t’u qetësuar pak, por mos u shqetëso. Thjesht pusho dhe mblidh fuqitë e tua. Hëna e re të nxit të rigjenerosh mendjen, trupin dhe shpirtin. Mund të kërkosh ndihmë profesionale për të shëruar çështje të së kaluarës.
Ujori
Ujor, jeta sociale gjallërohet. Takime me miq dhe njohje të reja janë në horizont. Ndërsa punon për të arritur qëllimet e tua, mos nguro të kërkosh ndihmë nga njerëzit që njeh. Nëse je beqar, shanset janë të mira për një lidhje edhe përmes njohjeve online.
Peshqit
Peshq, karriera merr hov. Ambiciet dhe qëllimet forcohen. Mund të shfaqet një promovim, ofertë pune apo mundësi e papritur, por duhet ta kapësh momentin.
Burimi: botasot.info
