Shtetet e Bashkuara të Amerikës kanë miratuar shitjen e disa sistemeve të mbrojtjes ajrore Patriot dhe armëve të tjera për aleatin e NATO-s, Danimarkën, e cila planifikon të mbështesë Ukrainën në luftën kundër Rusisë.
Departamenti Amerikan i Shtetit ka aprovuar një marrëveshje me vlerë 8.5 miliardë dollarë (7.3 miliardë euro), që përfshin gjashtë lëshues, sisteme të radarit, sisteme drejtimi dhe raketa.
Danimarka dhe anëtarët e tjerë të NATO-s duan të furnizojnë Ukrainën me sisteme të avancuara armatimi për të forcuar mbrojtjen e saj kundër sulmeve ruse.
Duke qenë se Danimarka nuk ka sisteme Patriot, ajo duhet t’i blejë nga Shtetet e Bashkuara të Amerikës. Po ashtu, Holanda ka blerë Patriote për të forcuar mbrojtjen ajrore të Ukrainës.
Kievi ka kërkuar disa herë në muajt e fundit sistemet Patriot nga aleatët perëndimorë për të mbrojtur më mirë qytetet e tij nga sulmet ajrore ruse.
Duke qenë se SHBA nuk është e gatshme të financojë furnizime shtesë të armëve për Ukrainën, partnerët e NATO-s blejnë sistemet amerikane dhe ua kalojnë forcat ukrainase.
Burimi: botasot.info
