Një aksion i përbashkët i Bashkisë Lezhë, Policisë Bashkiake, Drejtorisë së Urbanistikës, Drejtorisë së Taksave dhe Njësisë Administrative është zhvilluar sot përgjatë vijës bregdetare të Shëngjinit, me qëllim monitorimin dhe verifikimin e zbatimit të rregullave në hapësirat publike dhe stacionet e plazheve.
Kontrollet janë përqendruar në identifikimin e abuzimeve me çmimet e parkingjeve, verifikimin e kontratave të stacioneve të dhëna me administrim privat, përfshirë edhe ato të kompanisë “Lezha Invest”, si dhe në zënien e hapësirave publike pa të drejtë në zonat e plazheve publike.
Gjatë inspektimeve janë evidentuar disa shkelje të ligjshmërisë, për të cilat janë marrë masa të menjëhershme me gjoba administrative, sekuestrime dhe referim i disa rasteve pranë Drejtorisë së Tatimeve për hetim të mëtejshëm tatimor.
Ky aksion është pjesë e një plani të gjerë veprimi për të garantuar rend, barazi dhe transparencë në shfrytëzimin e hapësirave publike gjatë sezonit turistik, si dhe për të mbrojtur interesin e qytetarëve dhe operatorëve të ndershëm turistikë në Shëngjin.
Burimi: botasot.info
