Banorët e prekur nga projekti TID në qendrën historike të Durrësit kanë protestuar sërish këtë të martë para bashkisë, kundër zbatimit të këtij projekti që sipas tyre kërkon t’u prishë banesat e bizneset pa të drejtë, në emër të zhvillimit të zonës.
Banorët kërkuan nga Këshilli Bashkiak i Durrësit nisjen e një hetimi për projektin dhe pasojat e tij.
Të vendosur për të mbrojtur pronën e tyre, banorët i bënë thirrje SPAK-ut të hetojë mbi këtë projekt dhe ata që e firmosën atë.
Prej muajsh, banorët protestojnë kundër shembjes së banesave dhe shpronësimeve që janë larg vlerës reale të tregut. Projekti për transformimin e integruar të Durrësit, zbatohet nga Fondacioni Shqiptaro-Amerikan për Zhvillim.
Sipas hartuesve, projekti synon zhvillimin e parkut arkeologjik dhe turizëm të shtuar në qytet, por për 74 familje që preken prej tij, projekti është kërcënim për ekzistencën dhe historinë urbane të Durrësit.
Burimi: botasot.info
