Mbështetja publike e Fifit për ish-krerët e Ushtrisë Çlirimtare të Kosovës ka sjellë reagime të shumta në rrjetet sociale, mes tyre edhe komente fyese e provokuese në gjuhën serbe.
Situatës i është përgjigjur partneri i këngëtares, Adis Patushi, i cili ka dalë publikisht në mbrojtje të saj.
Përmes një InstaStory, Adisi ka publikuar një screenshot nga seksioni i komenteve në profilin e Fifit, ku shihen disa prej mesazheve të shkruara në gjuhën serbo-kroate.
Krahas pamjes, ai ka reaguar me tone të ashpra ndaj personave që kishin lënë komentet.
“Ju serbëve ju qr… Sidomos ju që komentoni”, ka shkruar Adisi, duke iu përgjigjur drejtpërdrejt komentuesve.
Reagimet ndaj Fifit vijnë pas qëndrimeve të saj të fundit në mbështetje të ish-drejtuesve të UÇK-së, në një periudhë kur vendimi i Dhomave të Specializuara në Hagë ka shkaktuar debat dhe reagime të shumta edhe në rrjetet sociale.
Adisi, i cili herë pas here reagon publikisht për çështje që lidhen me partneren e tij, këtë herë zgjodhi të publikonte vetë komentet dhe t’u përgjigjej personave që i kishin shkruar Fifit.
Burimi: botasot.info
