Selena Gomez shkëlqeu me një paraqitje rrezatuese në një veshje që tërhiqte vëmendjen, teksa mori pjesë në ngjarjen Rare Impact Fund Benefit 2025 në Los Angeles të mërkurën.
Aktorja 33-vjeçare, e cila së fundmi shënoi një muaj martesë me Benny Blanco, iu bashkua të ftuarve të tjerë në tapetin e kuq të eventit që u drejtua nga prezantuesi i njohur i emisioneve të mbrëmjes, Jimmy Kimmel.
Kjo paraqitje vjen pak kohë pasi një modele e dyshuar e markës së saj Rare Beauty e kritikoi Gomez-in për komentet “përçmuese” që ajo kishte bërë gjatë një fjalimi të fundit publik.
Ylli i dikurshëm i kanalit Disney tërhoqi vëmendjen sapo mbërriti në ceremoni, e veshur me një fustan të shkurtër lejla, të ngushtë pas trupit dhe të mbajtur me rripa të hollë.
Ajo e kompletoi pamjen me një pëlhurë të njëjtë, që i mbështillte krahët dhe rridhte poshtë deri në tokë.
Gomez kishte veshur edhe këpucë me majë të mbyllur, në ngjyrë lejla, për ta përputhur plotësisht me kombinimin elegant të mbrëmjes.
Burimi: botasot.info
