Këngëtarja dhe aktorja me famë ndërkombëtare, Selena Gomez, duket se është gati të hedhë një tjetër hap të rëndësishëm në jetën e saj personale. 33-vjeçarja ka ndarë me ndjekësit e saj në rrjetet sociale disa fotografi të festës së beqarisë, duke lënë të kuptohet se dasma është shumë afër.
Në imazhet e publikuara, Selena shihet e rrethuar nga mikeshat e saj më të ngushta, duke festuar në një ambient të zbukuruar me detaje elegante dhe festive. Buzëqeshja dhe energjia pozitive që reflekton në çdo foto dëshmojnë për emocionin dhe lumturinë që po përjeton në këtë periudhë të veçantë.
Ylli i muzikës është në një lidhje prej disa kohësh me producentin e njohur amerikan, Benny Blanco.
Dyshja kanë qenë mjaft të rezervuar për lidhjen e tyre në fillim, por me kalimin e kohës janë shfaqur gjithnjë e më të afërt dhe të dashuruar, si në evente publike, ashtu edhe në postimet e rrjeteve sociale.
Burimi: botasot.info
