Nëse je fans i filmave apo serialeve historike dhe ke një damar romantik a pak ëndërrimtar, ka shumë gjasa që je kapur të paktën një herë duke thënë “kam lindur në epokën e gabuar”, ndërkohë që sheh skena të një jete të shekujve të kaluar që shpalosen në ekran.
Ja në cilën epokë me siguri do të shkëlqeje, sipas shenjës tënde:
Dashi
Do të shkëlqeje në: “The Gilded Age”
Seriali “The Gilded Age” paraqet pikërisht realitetin ku një Dash do të ndriçonte. Epoka nga vitet 1870 deri në fillim të 1900-ës ishte e mbushur me ndryshime të mëdha ekonomike, rritje, dhe tepri materiale, e gjitha në shijet e Dashit.
Si shenjë e sunduar nga Marsi, planeti i veprimit dhe konkurrencës, Dashi do të ishte në elementin e vet mes elitës dhe njerëzve me ndikim. Është epoka ku ndërtoheshin vila gjigante dhe çdo njeri besonte se mund të arrinte majat. Ëndrra e vërtetë e një Dashi.
Demi
Do të shkëlqeje në: “Bridgerton”
Demi do të ndihej si në shtëpi në epokën e “Bridgerton”, që zhvillohet në Londrën e viteve 1811-1820. Një kohë e mbushur me rregulla të etikës, art, muzikë dhe sigurisht, romancë.
Si shenjë e tokës dhe e sunduar nga Afërdita, planeti i dashurisë, Demi do të kënaqej duke veshur korse, pirë çaj dhe bërë thashetheme për lidhjet e fundit. Dhe e gjitha kjo, me një prekje moderne si në serial.
Binjakët
Do të shkëlqeje në: “Emma”
Emma është një përfaqësim perfekt i Binjakëve: inteligjente, energjike dhe pak kaotike. Të sunduar nga Mërkuri, planeti i komunikimit, Binjakët janë eksplorues, socialë dhe gjithmonë të gatshëm për të përjetuar diçka të re.
Emma si personazh është ndërmjetëse dashurish, saktësisht çfarë bëjnë Binjakët në jetën reale. Dhe nuk mungojnë diskutimet, rrëfimet dhe takimet nëpër fshat.
Gaforrja
Do të shkëlqeje në: “Persuasion”
Anne Elliot nga “Persuasion” është mishërimi i Gaforres. E ndjeshme, e lidhur me të kaluarën dhe has vështirësi për të lënë pas një dashuri, një histori me të cilën çdo Gaforre do të lidhej.
Në Anglinë e fillim shekullit XIX, emocionet ishin të thella, por të pashprehura, fiks si mënyra që Gaforrja përjeton gjithçka.
Luani
Do të shkëlqeje në: “Marie Antoinette”
Filmi i Sofia Coppola-s është si një ëndërr për Luanët: ngjarje madhështore, fustane ekstravagante dhe një pallat mbretëror në sfond.
Luani, i sunduar nga Dielli, i ka për zemër dramat dhe vëmendjen. Një jetë me fustane, aristokratë dhe këpucë pa fund? Po, të lutem!
Virgjëresha
Do të shkëlqeje në: “Little Women”
Virgjëreshat do të ndiheshin të përmbushura në shtëpinë e motrave March, duke lexuar, shkruar dhe ndjekur një rutinë të ngrohtë në Massachusetts gjatë Luftës Civile.
Si shenjë e sunduar nga Mërkuri, ato do të adhuronin letërkëmbimet e kësaj epoke dhe do të ishin të lumtura duke pritur postierin çdo ditë.
Peshorja
Do të shkëlqeje në: “Sense and Sensibility”
Në mes të Elinor dhe Marianne, Peshoret do të gjenin veten: balancë mes logjikës dhe emocioneve. Me Afërditën si planet sundues, Peshorja është për shoqërinë, romancën dhe elegancën.
Shumë Peshore janë gjithashtu mjeshtre të thashethemeve të ëmbla dhe historive romantike.
Akrepi
Do të shkëlqeje në: “Atonement”
Dashuri të humbura, të pathëna dhe transformim i heshtur, të gjitha temat e “Atonement” flasin drejt e në zemrën e Akrepit.
Një histori që kap dekada, me emocione të papërmbajtura dhe ndërlikime psikologjike, Akrepi është i vetmi që do të mbante mend një dashuri të vjetër për dekada me radhë.
Shigjetari
Do të shkëlqeje në: “The Duchess”
Shigjetari do të jetonte më së miri në jetën e Georgiana-s në “The Duchess”: aristokrate, rebele, e dashur nga shoqëria. Kohë e ndryshimeve sociale, plot ballo, maskarada dhe drama pas perdeve.
Shigjetari do ta gëzonte çdo moment dhe do të thyente çdo rregull të mundshëm.
Bricjapi
Do të shkëlqeje në: “Jane Eyre”
Të fortë, të disiplinuar dhe stoikë, Bricjapët janë mishërimi i epokës së Jane Eyre. Ata do ta përballonin me dinjitet çdo vështirësi.
Nën ndikimin e Saturnit, do të ndiheshin si në shtëpi mes zymtësisë viktoriane, me libra, moral dhe shumë reflektim të brendshëm.
Ujori
Do të shkëlqeje në: “Moulin Rouge!”
Një Ujor në Parisin e fundshekullit XIX? Po, të lutem! Të veçantë, rebelë dhe artistikë, kjo shenjë do të gjente shpirtin e saj në teatrot dhe klubet e natës si Moulin Rouge!.
Kërcime, art, kostume e një jetë kundër rrymës, kjo është fryma e Ujorit.
Peshqit
Do të shkëlqeje në: “Pride & Prejudice”
Një Peshk do të zhytej me gjithë zemër në botën e Jane Austen-it. Me Neptunin si sundues, dashuria, ëndrrat dhe poezia janë jeta e tyre.
Ata do të shihnin nga dritarja me mall për një dashuri të largët dhe do të shkruanin letra plot pasion, duke jetuar çdo emocion si në roman.
Burimi: botasot.info
