Scarlett Johansson rrëmbeu vëmendjen në tapetin e kuq të premierës së filmit “Jurassic World Rebirth” në New York, ku u shfaq me një fustan elegant të bardhë dhe një paraqitje plot shkëlqim.
Aktorja 40-vjeçare, e cila luan rolin kryesor të Zora Bennett, përshëndeti aktorin Jonathan Bailey me një tjetër puthje të përzemërt, vetëm pak javë pasi u panë në një moment të ngjashëm në Londër.
Bailey, i cili është hapur për seksualitetin e tij, u shpreh se gjestet e afeksionit mes miqve janë të natyrshme: “Jeta është shumë e shkurtë për të mos puthur miqtë e tu”, tha ai për ET, shkruan DailyMail.
Scarlett u shfaq e shoqëruar edhe nga bashkëshorti Colin Jost, i cili mbështeti aktoren me një paraqitje të thjeshtë dhe elegante.
Premiera shënon rikthimin e Johansson në një nga ekskluzivitetet më të dashura të kinemasë, për të cilin ajo është shprehur se ka qenë “ëndrra e saj e fëmijërisë”.
“Jurassic World Rebirth”, që pritet të dalë në kinematë më 2 korrik 2025, është kapitulli i shtatë i sagës dhe sjell një histori të re, disa vite pas “Dominion”, me Scarlett në qendër të një misioni për të shpëtuar ADN-në e dinosaurëve. Me skenar nga David Koepp dhe prodhim të mbikëqyrur nga Steven Spielberg, filmi premton aksion dhe nostalgji për adhuruesit e gjatë të ekskluzivitetit
Burimi: botasot.info
