Projekti “Safe City” zyrtarisht do të vihet në funksion më 1 shkurt 2026, ka konfirmuar Ministria e Punëve të Brendshme, transmeton “360 Stepeni”. Kjo do të thotë se sistemi nuk do të fillojë me funksionimin në datën fillimisht të paralajmëruar – 1 janar 2026, por aktivizimi i tij shtyhet për një muaj.
Siç thekson “360 Stepeni”, ky zhvendosje tregon se MPB-së i duhet më shumë kohë për testim dhe kalibrim të sistemit të ri të sigurisë. Shtyrja vjen edhe pas testimit gazetaresk të platformës, i cili ka treguar se sistemi ende nuk është plotësisht i gatshëm për funksionim operativ.
Nga Ministria për momentin nuk zbulojnë detaje konkrete rreth rezultateve të deritanishme nga testimet, por sigurojnë se projekti do të vihet në përdorim vetëm kur të jetë teknikisht stabil, i sigurt dhe plotësisht funksional.
“Safe City” konsiderohet një nga projektet më të rëndësishme për digjitalizimin dhe modernizimin e sigurisë publike, i cili përfshin instalimin e sistemeve të reja të video-vëzhgimit, teknologji automatike të identifikimit dhe komunikim më efikas mes shërbimeve.
Qëllimi përfundimtar është krijimi i një mjedisi urban më të sigurt dhe përmirësimi i ndjeshëm i reagimit të institucioneve në kohë reale.
Burimi: alfax.mk
