Rubio: Bota do të jetë më e sigurt kur të përfundojë misioni në Iran

Sekretari amerikan i Shtetit, Marco Rubio, tha se bota “do të jetë një vend më i sigurt dhe më e mirë kur misioni në Iran të përmbushet”.

Duke folur në një aktivitet në Uashington DC, Rubio tha se SHBA-të janë të angazhuara në një mision që synon “marrësin më të madh të pengjeve në botë, sponsorin kryesor të terrorizmit në botë, regjimin në Iran”, shkruan BBC.

Sipas tij, se qëllimet e misionit janë të qarta dhe përfshijnë shkatërrimin e “aftësisë së këtij regjimi për të lëshuar raketa… shkatërrimin e fabrikave që prodhojnë këto raketa dhe shkatërrimin e marinës së tyre”.

“Jemi në rrugën e duhur për ta arritur këtë objektiv. Çdo ditë ky regjim në Iran ka më pak raketa, ka më pak lançues, fabrikat e tyre punojnë më pak dhe marina e tyre po shkatërrohet”, deklaroi Rubio.

Ndërkaq, Presidenti rus, Vladimir Putin e ka uruar Mojtaba Khamenei për zgjedhjen e tij si udhëheqësi i ri suprem i Iranit dhe ka riafirmuar mbështetjen e Moskës për Teheranin.

Mojtaba Khamenei është zgjedhur Lideri i ri Suprem i Iranit, duke zëvendësuar të atin, Ajatollah Ali Khamenei i cili u vra nga sulmet amerikano-izraelite më 28 shkurt.

Ai u zgjodh nga Asambleja e Ekspertëve të Iranit, raportojnë mediat shtetërore. Mojtaba është një klerik 56-vjeçar i cili nuk ka mbajtur kurrë një post qeveritar.