Presidenti i SHBA-së, Donald Trump iu rikthye përballjes me aleaten e tij italiane dikur të ngushtë, Giorgia Meloni, vetëm pak ditë para se të dy udhëheqësit të takohen përsëri ballë për ballë në Samitin e NATO-s në Ankara.
Në një postim të ri në Truth Social, Trump publikoi një foto në të cilën shfaqej me kryeministren italiane duke buzëqeshur, duke e shoqëruar atë me frazën: “Nevojiten masa kufizuese”.
Memeja nënkuptonte se presidenti amerikan kishte nevojë për “mbrojtje ligjore” nga Meloni dhe lidhej me pretendimin e mëparshëm të tij se kryeministrja italiane e kishte “lutur” atë për një foto të përbashkët në Samitin e G7 në Francë me qëllim që të rriste popullaritetin e saj.
Kryeministrja italiane nuk iu përgjigj postimit të ri të Trump, por një koment bëri ministri italian i Mbrojtjes Guido Crosetto, i cili tha se vendi i tij mbetet i përkushtuar për të “ruajtur marrëdhënie të qëndrueshme me Shtetet e Bashkuara”.
“Njerëzit vijnë e shkojnë, por marrëdhëniet mbeten“, tha ai.
Burimi: botasot.info
