Rita Ora pohoi se e theu traditën dhe ishte ajo që i propozoi për martesë bashkëshortit Taika Waititi

Rita Ora ka zbuluar se ishte ajo që i propozoi burrit të saj, Taika Waititi, gjatë një udhëtimi romantik në Palm Springs – duke përmbysur traditën.

Këngëtarja, 34 vjeçe, e cila u martua me regjisorin 49-vjeçar në vitin 2022, tregoi historinë në podcastin “Begin Again” të Davina McCall, duke shpjeguar se si theu konvencionin dhe mori vetë iniciativën për propozimin.

Ajo tha: “E bëra gjithë gjënë vetë. Ishim në një dhomë hoteli në Palm Springs, një nga ato të bukurat, luksoze, e mbushur me tullumbace dhe tortë – që është gjëja ime e preferuar në botë”.

Unë i kisha bërë unazat, nuk doja diçka shumë të ndritshme. Ai më tha: ‘Çfarë po ndodh? Është Shën Valentini?’ Dhe unë i thashë: ‘Jo, por nëse do thuash jo, do më duhet të heq rrobat’”.

Ajo përfundoi duke treguar se si më pas e bëri ceremoninë e propozimit, për të cilin tha se Taika e kishte adhuruar.

Rita Ora dhe Taika Waititi u martuan në një ceremoni private më 4 gusht 2022, në Los Angeles.

Çifti, të cilët kishin qenë miq për vite me radhë para se të lidheshin në mënyrë romantike në vitin 2021, e organizuan dasmën për vetëm dy javë që vajzat e Taika-s të mund të merrnin pjesë.