Këngëtarja Vesa Luma ka reaguar në rrjetet sociale pas eliminimit të Stenaldo Mëhillit nga “Big Brother VIP Albania”, duke ndarë një mesazh që ka prekur ndjekësit e saj.
Në postimin e publikuar, artistja shprehet se do të dëshironte ta shihte Stenaldon si fitues të këtij edicioni, duke e konsideruar praninë e tij si të rëndësishme për shoqërinë. “Paska ik Stenaldo nga ‘Big Brother’-i. Shumë do doja të ishte fitues këtë vit. E kemi pasur shumë të nevojshme si shoqëri, por s’jemi ende gati si duket”, shkruan ajo, duke lënë të kuptohet se mesazhi që ai përçonte nuk u vlerësua sa duhet.
Më tej, Vesa ka vlerësuar edhe rolin e produksionit, duke theksuar rëndësinë e përfshirjes së figurave frymëzuese në ekran. Ajo ka përgëzuar Top Channel për mundësinë që i dha publikut të njihte historinë dhe forcën e Stenaldos. “Një bravo të madhe Top Channel, që përmes një personazhi si Stenaldo, na dha mundësinë të shihnim se si vullneti dhe dëshira për jetën tejkalon çdo gjë”, shton këngëtarja.
Reagimi i saj ka tërhequr vëmendje të madhe në rrjet, ku fansat e kanë cilësuar si një mesazh të ndjerë dhe mbështetës. Shumë prej tyre kanë shprehur të njëjtin mendim, duke vlerësuar ndikimin që Stenaldo pati gjatë qëndrimit në shtëpi.
Burimi: botasot.info
