Rama komenton lajmin e Bardhit/ Deputeti i PD: Prençi hetim Ballukut

Nga Berlini, Kryeministri Edi Rama, i pyetur nga Deutsche Welle, reagoi mbi lajmin e një hetimi të Prokurorisë e së Posaçme, SPAK, ndaj numrit dy të qeverisë së tij, zv.kryeministres, njëherazi ministres së Infrastrukturës, Belinda Balluku, duke i qëndron linjës që nuk ka asnjë fajtor me gjyq politik dhe se drejtësia ka punën e saj, ndërsa qeveria do të vazhdojë rrugën e vetë.

“Nuk kam asnjë koment për asnjë rast, sepse siç e kam thënë, ne kemi punën tonë, drejtësia ka punën e vet. Deri kur çështje të caktuara të marrin formën e tyre të prerë, të gjithë njerëzit janë të pafajshëm dhe janë të padënueshëm nga gjykata popullore e politikës dhe mediave që i shërbejnë politikës”, ka kryeministri Rama.
Prokuroria e Posaçme deri më tani nuk ka dhënë asnjë informacion lidhur me një hetim të mundshëm ndaj zëvendëskryeministres dhe ministres së Infrastrukturës, Belinda Balluku.

Megjithatë, në mënyrë paradoksale, lajmi për këtë hetim u publikua jo nga vetë SPAK, por nga deputeti i opozitës Gazmend Bardhi, i cili deklaroi publikisht se çështja po hetohet nga prokurori Dritan Prençi dhe sipas tij, Balluku pritet të thirret në SPAK ditën e hënë.

Nëse këto pretendime rezultojnë të vërteta, atëherë do të ishte hera e parë që SPAK, organi me i lartë i akuzës në vend, komunikon një informacion përmes një përfaqësuesi të Partisë Demokratike, ndërkohë që vetë institucioni vazhdon të heshtë përballë mediave, duke deklaruar se nuk ka asnjë të dhënë për të ndarë lidhur me këtë çështje.