Kujdesi i vazhdueshëm i stafeve të zonave të mbrojtura si dhe moratoriumi i gjuetisë kanë sjellë shtimin e faunës së egër në vend. Kryeministri Edi Rama ndau sot në rrjetet sociale pamje nga kamerat kurth të vendosura në Parkun Kombëtar të Shebenikut.
“Kartolinë pamjesh të veçanta nga Parku Kombëtar i Shebenikut, si një kujtesë se fauna është një thesar i çmuar i zonave tona të mbrojtura dhe çdo ditë përpiqemi t’u ofrojmë habitate sa më të shëndetshme”, shkruan Rama.
Kamerat kurth të vendosura në zonë kanë dokumentuar praninë e derrit të egër, kaprollit, lepurit të egër, dhelprës etj.
Monitorimi i parë me kamera kurth në këtë zonë është realizuar në vitin 2009, ndërkohë që në vitin 2012 është arritur të fotografohet një prej llojeve më të rrezikuar në botë, siç është rrëqebulli i Ballkanit.
Burimi: botasot.info
