Analisti Mentor Nazarko, i ftuar në studion e “ÇdoKënd” nga Merita Haklaj, në A2CNN, shpjegoi pse kryeministri Edi Rama nuk shkoi në Davos.
“Ne kemi të gjitha arsyet pse të jemi proamerikanë në këtë moment. Unë imagjinoj që Rama nuk ka shkuar atje dhe për t’i bërë qejfin pak evropianëve, edhe për të mos u dukur si i zellshëm për të shkuar në seancë dhe mendon që show më i mirë është në Shtëpinë e Bardhë nëqoftëse do ketë një seancë të dytë”, tha Nazarko.
“Tek politika e brendshme, Rama problemin më të madh ka ballafaqimin me SPAK-un, domethënë ecurinë e hetimeve që implikojnë njerëzit më të afërt të tij dhe ai është i vetëdijshëm dhe prandaj kishte atë sens triumfalist në fjalimin e vet që opozita, siç është zakoni, po i binte tamtamit të fitoreve, po fliste për helikopterin që do ta merrte dhe kështu që ai është shqetësimi kryesor.
Lobimi i ka rregulluar marrëdhëniet me Shtëpinë e Bardhë. Kjo është pak po e sigurt. A do ndalojë kjo veprim e SPAK-ut? Këtë unë nuk e besoj. SPAK është një fëmijë apo një krijesë që ka shumë baballarë. Ka dhe Bashkimin Europian, ka dhe Britaninë e Madhe që nuk është Bashkimi Europian, ka dhe Shtetet e Bashkuara… Kështu që, nuk është SPAK-u një mekanizëm i cili frenohet nga këto marrëdhënie”, shtoi Nazarko.
Burimi: botasot.info
