Pse askush nuk flet për lodhjen që të jep përpjekja për t’u dukur mirë 24/7?

Të dukesh mirë çdo ditë kërkon shumë më tepër sesa thjesht një grim i saktë apo një veshje e kuruar.

Është një punë me orar të plotë. Është presion. Është “më duhet të jem në formë” edhe kur zemra po tërhiqet zvarrë. Është rregullim flokësh edhe kur s’e ndjen.

Është buzëqeshja që vendos përtej lodhjes, thjesht që të mos të shohin “të rënë”

Kjo përpjekje nuk është gjithmonë për të tjerët, shpesh është një mënyrë për të ndjerë kontroll në një realitet ku gjithçka mund të të rrëshqasë nga duart. Por lodh. Dhe shpesh, e lodhura ndjen edhe faj që s’po e mban veten “ashtu siç duhet”.

Ndaj, për sot: po, je e bukur. Edhe kur s’je në formë. Edhe kur flokët s’të rrinë mirë. Edhe kur thjesht… je lodhur nga përpjekja për të qenë “on” çdo sekondë.