Kandidati për kryetar të Komunës së Çairit nga koalicioni VLEN, z. Izet Mexhiti, ka prezantuar sot programin e tij zgjedhor, të cilin e cilësoi si “manifest të punës, përkushtimit dhe vizionit për një Çair modern, të zhvilluar dhe dinjitoz”.
Në deklaratën e tij për media, Mexhiti theksoi:
“Çairi ka qenë dhe mbetet epiqendra e angazhimit tim ndër vite. E njoh themelin e tij, kam jetuar bashkë me Çairin në ditët e tij më të lavdishme, por edhe në ditët më të vështira. E di historinë e çdo lagjeje, çdo rruge e çdo rrugice. Prandaj vendosa të lë Qeverinë dhe të rikthehem në Çair, për të vazhduar misionin e nisur me një mandat të ri, me më shumë përvojë dhe energji.”
Programi zgjedhor i Izet Mexhitit parasheh modernizimin e plotë të infrastrukturës komunale, me projekte konkrete për:
ndërtimin e çerdheve dhe shkollave të reja,
rikonstruimin e rrugëve dhe bulevardeve,
krijimin e qendrave sportive, pishinave dhe hapësirave për rekreacion,
si dhe revitalizimin e zonave të gjelbra dhe ekologjike në çdo lagje të Çairit.
Mexhiti nënvizoi se dija, përvoja dhe vullneti do të jenë bazat e këtij mandati të ri:
> “Kam dijen, kam përvojën, por mbi të gjitha kam vullnetin dhe nijetin e pastër. Më 19 nëntor, ftoj çdo qytetar të Çairit të më besojë votën. Ajo për mua është nder dhe përgjegjësi – një amanet që do ta mbaj me përkushtim çdo ditë të punës sime si kryetar i komunës.”
Në përmbyllje të deklaratës, ai u bëri thirrje qytetarëve:
> “Voto me një zë. Voto numrin 7. Voto për Çairin që e duam të gjithë!”
📍Koalicioni VLEN – Izet Mexhiti për Çairin
🗳️ Zgjedhjet Lokale 2025
