Kryetari i Prishtinës, Perparim Rama, priti në kryeqytet Kjetil Thorsen, bashkëthemelues i studios ndërkombëtare Snøhetta, i shoqëruar nga arkitekti Bekim Ramku dhe artistja Jorunn Sannes.
Vizita përfshiu Tulltoren, Bibliotekën për Fëmijë, Pallatin e Rinisë dhe Galerinë, ku mysafirët patën mundësinë të njohin nga afër projektet kulturore të qytetit dhe të diskutojnë mbi zhvillimin urban dhe arkitekturën.
Rama theksoi se Prishtina po ndërton hapësira që reflektojnë identitetin e saj dhe krijojnë mundësi për bashkëpunime ndërkombëtare, duke lidhur historinë, kulturën dhe të ardhmen përmes arkitekturës.
Postimi i plotë:
Arkitektura si urë mes historisë, kulturës dhe së ardhmes.
Këtë të diel mirëpritëm në Prishtinë Kjetil Thorsen, bashkëthemelues i studios ndërkombëtare Snøhetta, së bashku me arkitektin Bekim Ramku dhe artisten Jorunn Sannes.
Vizita në Tulltore, Bibliotekën për Fëmijë, Pallatin e Rinisë dhe Galerinë, ishte mundësi për t’i parë nga afër projektet kulturore të Kryeqytetit dhe për të diskutuar mbi zhvillimin urban dhe arkitekturën.
Prishtina po ndërton hapësira që reflektojnë identitetin e saj dhe krijojnë baza të qarta për bashkëpunime të reja ndërkombëtare.
Burimi: botasot.info
