Kryegjyqtari i posaçëm, Erjon Bani i parapriu përsëritjes së modelit grek për të ruajtur pavarësinë e gjyqtarëve antikorrupsion, me një mesazh drejtuar Inspektoriatit të Lartë të Drejtësisë i cili nuk duhet të marrë në konsideratë asnjë ankesë të zyrtarëve të lartë për rastet kur ata janë në gjykim apo shpallen fajtorë në këtë gjykatë.
Shembulli u soll nga gjyqtari i lartë gjerman Marc Fierstra i cili përmendi se ministri i drejtësisë niste procedime disiplinore për gjyqtarë e prokurorë që hetonin e gjykonin zyrtarët e lartë.
“Nuk duhet nisur procedim për çdo gjë”, tha Bani
Nga ana e tij kryeinspektori i lartë Artur Metani i kishte ankesat ndaj politikës që me kritikat e saj shkon përtej kufijve deri në trysni antikushtetuese
Megjithatë drejtuesit e dy këshillave, mendojnë se gjyqtarët dhe prokurorët duhet të marrin masat e tyre. Për kreun e KLGJ-së, këshilla e qasjes para kritikave është kjo.
“Ç’keni ju, kur s’bën gjë mos e çaj kokën”, u shpreh kreu i KLGJ-së
Kurse shefja e KLP , thotë se prokurorët duhet ta kuptojnë që me gjithë fuqinë hetimore që kanë edhe ata hetohen nga syri I publikut dhe jo vetëm
Një nga kushtet është edhe transparaneca që secili nga protagonistët e drejtësisë garanton se e ofron, pavarësisht se ky është version I vetëm njërës palë.
Takimi u mbajt në Tiranë si pjesë e projektit të ambasadës holandeze që synon llogaridhënien gjyqësore, pavarësinë dhe etikën
Top Channel
Burimi: top-channel.tv
