Tragjedia goditi një shkollë dhe kishë katolike të mërkurën në mëngjes, vetëm dy ditë pas fillimit të vitit shkollor.
Autori i sulmit është identifikuar si Robin Westman, një djalë 20-vjeçar, i cili hapi zjarr gjatë një meshe festive në Shkollën Katolike të Ungjillëzimit. Sulmi rezultoi me dy fëmijë të vrarë, 8 dhe 10 vjeç, dhe të paktën 17 të tjerë të plagosur, shumica fëmijë.
Westman ishte i armatosur me një pushkë gjysmëautomatike, një pushkë gjahu dhe një pistoletë, dhe u gjet i vdekur në vendngjarje nga një plagë e shkaktuar vetë. Ai nuk ishte i njohur më parë nga forcat e rendit.
Hetuesit po shqyrtojnë një seri videosh të postuara në YouTube nga një llogari që besohet t’i përkiste Westman, ku ai shfaqej duke shpalosur armët dhe karikatorët me mesazhe shqetësuese, përfshirë “vrit Donald Trump” dhe “për fëmijët”.
Një video tjetër tregon faqet e një fletoreje të kuqe me diagrame armësh dhe shënime në anglisht dhe rusisht.Shefi i Policisë së Minneapolis, Brian O’Hara, konfirmoi se 17 të plagosurit po trajtohen në spitale lokale, përfshirë Spitalin Pediatrik të Traumës, ku gjashtë fëmijë janë nën kujdes intensiv.
Shumica e fëmijëve të plagosur janë në gjendje serioze./NewYorkPost
Burimi: botasot.info
