​Portugalia do të rrisë pagën minimale në 920 euro

Qeveria e Portugalisë sot miratoi rritjen e pagës minimale kombëtare me 50 euro në vitin 2026, nga 870 në 920 euro bruto, njoftoi sot Ministri i Presidencës pas Këshillit të Ministrave.

Në një konferencë për shtyp në Palácio da Vila, në Sintra, António Leitão Amaro tha se kjo është një “rritje e konsiderueshme” dhe se në një vit e gjysmë, me qeveritë PSD/CDS-PP, paga minimale rritet me 100 euro, raporton LUSA, përcjell KosovaPress.

Marrëveshja e të ardhurave që qeveria e mëparshme e Luís Montenegro (PSD/CDS-PP) nënshkroi me UGT dhe konfederatat e punëdhënësve në tetor 2024 parashikon që paga minimale të rritet me një normë prej 50 eurosh në vit deri në vitin 2028.

Vlerat e pritura janë 920 euro në vitin 2026, duke u rritur në 970 euro në vitin 2027 dhe në 1.020 euro në vitin 2028.