Policia rajonale e Ferizajt sot iu përgjigj thirrjes për dhurim vullnetar të gjakut nga Qendra Kombëtare e Kosovës për Transfuzionin e Gjakut, nën moton “Një pikë gjaku e dhuruar nga ju, për dikë do të thotë jetë, e jeta është gjëja më e çmuar që ka njeriu”, raporton KosovaPress.
Me këtë rast në ambientet e Drejtorisë Rajonale të Policisë në Ferizaj, një numër i konsiderueshëm i pjesëtarëve të policisë dhuruan gjak vullnetarisht.
U dëshmua edhe një herë përkushtimin e tyre ndaj vlerave më të larta njerëzore.
Humanizmi dhe sakrifica janë pjesë përbërëse e misionit të Policisë së Kosovës dhe përmes këtij akti fisnik u shpreh solidariteti me qytetarët në nevojë.
Burimi: botasot.info
