Drejtoria Rajonale e Policisë në Pejë, përmes Stacionit Policor Pejë dhe Njësisë Rajonale të Komunikacionit Rrugor, ka vazhduar me intensitet zbatimin e planit operativ “Motoçikletat 2025”, më datat 19 dhe 20 korrik në qytetin e Pejës.
Sipas njoftimit, gjatë këtij operacioni janë sekuestruar disa motoçikleta dhe janë shqiptuar gjithsej 62 gjoba për kundërvajtje të ndryshme si: mungesë e patentë shoferit, mungesë e kategorisë përkatëse, drejtim i mjetit të paregjistruar dhe shkelje të tjera të ligjit.
Policia njofton se aktivitetet në kuadër të këtij plani do të vazhdojnë edhe në ditët në vijim, pa asnjë tolerim ndaj shkelësve të rregullave të komunikacionit, me qëllim të rritjes së sigurisë dhe parandalimit të aksidenteve.
Drejtoria Rajonale e Policisë në Pejë ka apeluar te të gjithë pjesëmarrësit në trafik, e veçanërisht drejtuesit e motoçikletave, që të respektojnë rregullat e komunikacionit.
Burimi: botasot.info
