17 vjeçari që dyshohet se ka abuzuar seksualisht me një 10 vjeçar në Gjirokastër, është shpallur në kërkim nga shërbimet e Drejtorisë Vendore të Qarkut. Shtetasi me iniciale M.Sh, siç raportoi më herët neësbomb.al, dyshohet se është larguar drejt Greqisë.
“Specialistët për Hetimin e Krimeve në Komisariatin e Policisë Gjirokastër referuan materialet në Prokurori dhe shpallën në kërkim një 17-vjeçar, banues në lagjen Zinxhira, pasi dyshohet se ky shtetas në prani të 2 shtetasve të tjerë të mitur, të moshës 9 dhe 10 vjeç, dyshohet se ka abuzuar seksualisht me një 10-vjeçar.
17-vjeçari është larguar në drejtim të shtetit Grek, para se 10-vjeçari dhe prindërit e tij, të vinin në ambientet e Policisë për të bërë kallëzim. Të miturit janë intervistuar në prani të prindërve, psikologes, avokatit dhe përfaqësuesve të Njësisë për Mbrojtjen e Fëmijëve, në përputhje me procedurat ligjore”, njofton Policia.
10 vjeçari ka shkuar sot në Komisariatin e Policisë me nënën e tij dhe ka denoncuar shtetasin me iniciale M.Sh, se e ka përdhunuar në një magazinë të braktisur, në afërsi të lagjes Zinxhira. Ai i përket komunitetit rom dhe ka pohuar se është marrë me forcë, është lidhur me litar dhe është përdhunuar.
Ngjarja dyshohet se ka ndodhur katër ditë më parë dhe 10 vjeçari ka shkuar në polici bashkë me nënën vetëm sot, pasi është mësuar se 17 vjeçari me inicialet M.Sh është larguar drejt Greqisë.
I mituri ka treguar se të pranishëm kanë qenë dhe dy djem të tjerë, shokët e tij të moshës rreth 10-12 vjeç, të cilët gjithashtu pretendohet se janë kërcënuar që të mos flisnin për atë që kishte ndodhur në magazinën e braktisur.
Burimi: botasot.info
