Policia e Kosovës përkujton heroin Izet Demaj

Policia e Kosovës ka përkujtuar sot heroin dhe zyrtarin policor të rënë në krye të detyrës, Izet Demaj, me rastin e përvjetorit të rënies së tij.

Sipas njoftimit të Policisë së Kosovës, në ceremoninë përkujtimore morën pjesë Drejtori i Përgjithshëm i Policisë së Kosovës, kolonel Gazmend Hoxha, Drejtori i Drejtorisë Rajonale të Policisë në Pejë, Komandanti i Stacionit Policor në Istog, si dhe eprorë dhe zyrtarë policorë, familjarë dhe qytetarë.

Gjatë homazheve dhe vizitave përkujtimore u nderua jeta dhe vepra e heroit Izet Demaj, duke u theksuar sakrifica e tij si simbol i përkushtimit, guximit dhe shërbimit ndaj vendit.

Policia e Kosovës vlerëson se sakrifica e heroit Izet Demaj mbetet shembull frymëzimi për brezat e rinj të zyrtarëve policorë, ndërsa kujtimi për të do të jetojë përherë në radhët e Policisë së Kosovës dhe në zemrat e qytetarëve.