“Pse më pe? Pse parkon aty?”, kështu ka nisur sherri mes të rinjve në qendrën tregtare Megatek, mesditën e djeshme (16 Tetor), që përfundoi në përdorimin e armës së zjarrit.
Sipas burimeve, sherri mes tyre ka qenë banal dhe i çastit. Nga të shtënat tek parkingu i “Megatek” mbeti i plagosur në këmbë Fabjo Arifaj dhe u dëmtua me sende të forta shoku i tij Grisjan Latifaj.
Ndërkohë policia ka arrestuar një person lidhur me ngjarjen dhe ka shpallur në kërkim një tjetër.
Në pranga mësohet se është vënë Josif Mena, pronari i automjetit me të cilin u larguan autorët.
Ndërsa në kërkim vijon të jetë personi që qëlloi me armë.
Në mjetin e tyre u gjet një gëzhojë, ndërsa në banesën e njërit prej autorëve u gjet arma e zjarrit.
Burimi: botasot.info
