Një 33-vjeçar është plagosur me thikë këtë mbrëmje në Fier. Sipas raportimeve, i plagosuri D.D., është dërguar me urgjencë në spital për të marrë ndihmë mjekësore ndërsa policia ka nisur kërkimet për autorin e dyshuar të ngjarjes, J.R.
Shkaqet dhe rrethanat e konfliktit janë ende të paqarta ndërsa autoritetet kanë nisur hetimet për rastin në fjalë.
Njoftimi i Policisë
Rreth orës 18:30, në lagjen “15 Tetori”, dyshohet se pas një konflikti për motive të dobëta, shtetasi J. R., ka dëmtuar lehtë me mjet prerës shtetasin D. D., 33 vjeç, banues në Roskovec, i cili ndodhet në kujdesin e mjekëve.
Shërbimet e Policisë po punojnë për kapjen e shtetasit J. R. Grupi hetimor po punon për zbardhjen e plotë të rrethanave të ngjarjes.
Burimi: botasot.info
