Policia italiane gjatë kontrolleve territoriale, arrestoi një të ri shqiptar për vjedhje, teksa po heton edhe për bashkëpunëtorët e tij, pasi dyshohet për një grup “skifterësh” që ishin kthyer në shqetësim për banorët e zonës.
Sipas mediave italiane, efektivët identifikuan një veturë “Alfa Romeo”, që hyri në një rrugë pa krye, ndërsa karabinierët e ndoqën dhe panë dy persona që po tentonin të kapërcenin gardhin e një shtëpie private. Të zbuluar, ata u larguan me shpejtësi, duke u përpjekur ti shpëtonin policisë, por një prej tre personave u kap dhe u ndalua për kontroll.
Ai rezultoi të ishte një 36-vjeçar me origjinë shqiptare, me të kaluar kriminale dhe me një urdhër arresti për të vuajtur një dënim të mbetur prej 2 vjetësh e 4 muajsh.
Brenda makinës, e cila doli të ishte me qira, u gjetën mjete tipike për vjedhje me thyerje, përfshirë kaçavida, leva duke konfirmuar aktivitetin kriminal që grupi dyshohet se planifikonte të kryente. Pas procedurave, i arrestuari u dërgua në burgun e Varese-s dhe është vënë në dispozicion të autoriteteve gjyqësore.
Top Channel
Burimi: top-channel.tv
