Pezullimi i Ballukut, Gjekmarkaj: Besoj se vendimi i Gjykatës Kushtetuese do të jetë në sintoni me organet e tjera të drejtësisë

Nënkryetari i Partisë Demokratike, Agron Gjekmarkaj, ka komentuar pritshmëritë për vendimin e Gjykatës Kushtetuese lidhur me çështjen e pezullimit nga detyra të zv.kryeministres Belinda Balluku.

Ai tha se pavarësisht se cili do të jetë vendimi, PD mbetet e vendosur dhe konsistente në qëndrimet e saj.

“PD është kositente në kërkesat e saj, të cilat ja drejton jo thjeshtë organeve të drejtësisë, jo thjeshtë kryeministrit dhe zv.kryeministres, këtij binomi për të cilët kemi ngritur platformën e komunikimit dhe kërkojmë aleancë me shqiptarët.

Por në tërësi shoqëria shqiptare duhet të ndjekë ngjarjet me përgjegjësinë që ato meritojnë për të reaguar rast pas rasti, siç e kërkon nevoja…,” u shpreh Gjekmarkaj në “Kjo Javë”.

Sa i përket pritshmërive për vendimin e Gjykatës Kushtetuese, Gjekmarkaj tha se beson se ajo do të qëndrojë në linjë me vendimet e mëparshme të drejtësisë.

“Besoj se vendimi i Gjykatës Kushtetuese do të jetë në sintoni me organet e tjera të drejtësisë që kanë dhënë një vendim më përpara”, tha demokrati.