pervetesuan 22 mln leke nga fondet e pensioneve procedohen dy punonjeset e postes ne devoll 696a5b365faad

Përvetësuan 22 mln lekë nga fondet e pensioneve, procedohen dy punonjëset e postës në Devoll

January 16, 2026
1 minut lexim

Drejtoria Vendore e Policisë Korçë ka referuar materialet në Prokurori, ku ka nisur procedimi penal për veprat penale “Vjedhja e kryer duke shpërdoruar detyrën”, “Falsifikimi i dokumenteve” dhe “Falsifikimi kompjuterik”, kryer në bashkëpunim, ndaj dy shtetaseve punonjëse të postës në zonën e Devollit.

Sipas njoftimit zyrtar, procedimi penal ka nisur ndaj shtetaseve:

-P. Sh., 29 vjeçe, banuese në Bilisht, me detyrë përgjegjëse e zyrës postare Vishocicë, Devoll;

-E. Ç., 27 vjeçe, banuese në Bilisht, me detyrë arkëtare-llogaritare në degën postare Devoll.

Nga hetimet paraprake dyshohet se gjatë periudhës shtator 2025 – janar 2026, këto shtetase, në bashkëpunim me njëra-tjetrën, kanë vjedhur rreth 22 milionë lekë të rinj nga fondet e postës, duke shpërdoruar detyrat që ushtronin.

Sipas policisë, 29-vjeçarja P. Sh. dyshohet se ka përvetësuar dhe shpërdoruar fonde të pensioneve dhe të ndihmës ekonomike, kryesisht të pensionistëve që jetonin jashtë shtetit, duke falsifikuar nënshkrimet e tyre. Ndërkohë, 27-vjeçarja E. Ç. dyshohet se ka manipuluar, hequr dhe falsifikuar mandatpagesat nga evidencat e librave të arkës dhe nga sistemi i menaxhimit të parave cash, me qëllim favorizimin e vjedhjes së fondeve.

Burimi: botasot.info

VERO

EVN MACEDONIA

MATINA DENTAL CLINIC

AUTO SHKOLLA BEKO

nuk ka shtyrje gjysmevjetori i dyte fillon me 20 janar 696a4ebb1174c
Lajmi i mëparshëm

Nuk ka shtyrje, gjysmëvjetori i dytë fillon më 20 janar

joshua sambunu transferohet te kosova dusseldorf 696a5b9333ee1
Lajmi i radhës

Joshua Sambunu transferohet të Kosova Dusseldorf

Të fundit nga

Arben Zeqiri: Nuk mbulohen dështimet me asfallt

Përplasje mes Arben Zeqirit dhe Arbër Kadriut ne emisionin “Dialog te Lajmi”: “Gjuha shqipe dhe përfaqësimi i drejtë nuk mbulohen me asfalt!” Një debat i ashpër është zhvilluar mes Arben Zeqirit nga

Estonia vendos ta mbyllë kufirin me Rusinë

Estonia do të mbyllë kufirin me Rusinë, pasi akuzoi Moskën zyrtare për një sulm të dyshuar ndaj një kompanie të teknologjisë së mbrojtjes. Autoritetet bëjnë të ditur se tetë persona janë arrestuar,
ShkoLartë